Алтынньы 30күнүгэр «Ситимнээх үлэ сайдар саҕахтара» диэн Нам улууһун култууратын үлэһиттэрин сүбэ мунньаҕа М.К. Аммосов аатынан Культура Дыбарыаһыгар ыытыллынна.

Алгыс сиэрэ-туома ыытылынна, «Нам улууһа» МО Баһылыга Слепцов Ю.И., Культура уонна духуобунай сайдыыга салаллтатын салайааччы саха Ядрихинскай С.П., АГИКИ доцена Готовцева О.Г., Саха сирин култуура үлэһиттэрин Рескомун бэрэссэдээтэлэ Самсонова А.И., Арассыыйа дизайнердарын сойууһун чилиэнэ, П.П. Романов аатынан Дьокуускайдааҕы ойуулуур-дьүһүннүүр колледж бырайыактыыр отдел салайааччыта, «ШКИ-Д» айар индустрия оскуолатын уус-уран салайааччыта Ермолаев А.А., Өрөспүүбүлүкэтээҕи норуот айымньытын дьиэтин бырайыактыыр салаатын салайааччыта Кутугутова А.Г. сүрдээх интэриэһинэй, үлэҕэ олус туһалаах этиилэри эттилэр, үлэ хайысхата хайдах гыннахха тупсарын сиһилии быһааран биэрдилэр.

Бу күн «Кэрэ эйгэ туоната» диэн Нам улууһун культура дьиэлэрин икки ардыларыгар ыытыллыбыт конкурс түмүгүн таһаардылар. Ол түмүгэр, Нам улууһугар бары өттүнэн бастыҥ үлэлээх, үгүс ситиһиилээх культура дьиэтинэн - Хатыҥ-Арыы нэһилиэгин Аппааны бөһүөлэгин «Чороон» норуот айымньытын киинэ кыайыылаҕынан таҕыста.

Улууспут бары культура үлэһиттэрэ эһиилги сылга туох, хайдах былааннаах олороллорун үллэһиннилэр. Улууска, Өрөспүүбүлүкэҕэ ыытыллар конкурстарын, тэрээһиннэрин билиһиннэрдилэр.

Саҥа үлэ сезона арыллыбытынан бэйэ-бэйэҕэ үлэҕэ ситиһиилэри, бары үтүөнү баҕардылар.