Бүгүн, сэтинньи 20 күнүгэр, Хатыҥ-Арыы нэһилиэгэр үтүө суолталаах күн тосхойдо!

“Программа поддержки местных инициатив” ППМИ программанан “Вьезная стела Хатын-Арынского наслега” проегынан уонна нэһилиэкпит олохтоохторо эбии харчы көрөн, уопсайа 3 мөлүйүөн сууммалаах, күүппүт кэтэһиилээх стелабыт үөрүүлээх арыллыытын бэлиэтиир тэрээһиҥҥэ нэһилиэк олохтоохторо, ыалдьыттара тоҕуоруһа муһуннулар.

Стела автора СР Бочуоттаах архитектора Лукин Сергей Иннокентьевич буолар. Урбаанньыт, ИП Соловьев Владислав Иннокентьевич тэрилтэтэ манна күүс-көмө буолан үлэлэстэ.

Саҥа стела арыллыытын айхаллаан, айыыларга сүгүрүйэн, аал уотун аһатан, алгыс тылын анаата – үрүҥ Алгысчыт, Саха Республикатын култууратын туйгуна Петр Васильевич Охлопков.

“Хатыҥ-Арыы нэһилиэгэ” стеланы үөрүүлээх быһыыга-майгыга арыйдылар  “Хатыҥ-Арыы нэһилиэгэ” тыа сирин сэлиэнньэтин баһылыга Иван Дмитриевич Ноговицын, стела проегын автора, СР Бочуоттаах архитектора Лукин Сергей Иннокентьевич уонна Хатыҥ-Арыы нэһилиэгин олохтооҕо “Хатыҥ-Арыы” сельсоветын бэрэссэдээтэлэ, Үлэ ветерана, Хатыҥ-Арыы совхоз бастакы стелатын оҥорсубут ытык-мааны киһибит Сивцев Николай Игнатьевич.

Тупса тур, туругур тапталлаах нэһилиэкпит, киэркэйэ-сайда тур тапталлаах Хатыҥ-Арыыбыт!