2026 сыл Бүтүн Өрөспүүбүлүкэ, Нам улууһа уһулуччулаах судаарыстыбыннай уонна политическай деятелэ Илья Егорович Винокуров төрөөбүтэ 130 сылын бэлиэтиир өрөгөйдөөх сылбыт!

Быйыл Нам улууһугар, Хатыҥ-Арыы нэһилиэгэр И.Е. Винокуров сылынан биллэрилиннэ.

Ол чэрчитинэн, Саха Өрөспүүлүкэтин Ил Дархана Айсен Сергеевич Николаев Хатыҥ-Арыы нэһилиэгэр Илья Егорович Винокуров скверыгар дьону-сэргэни, ыччаттары, оҕолору кытта көрүстэ.

Үөрүүлээх тэрээһиҥҥэ Илья Егорович Винокуров аатынан Хатыҥ-Арыы орто оскуолатын «Чаҕылыс» хоһоонньуттар бөлөхтөрө. Салайааччы – Российскай Федерация үөрэҕириитин бочуоттаах үлэһитэ, Саха Өрөспүүбүлүкэтин үөрэҕириитин туйгуна Анна Ефимовна Васильева.

М  

Илья Егорович Винокуров сырдык аатыгар сүгүрүйэ сибэкки дьөрбөтүн уурдулар Саха Өрөспүүбүлүкэтин Ил Дархана Айсен Сергеевич Николаев, Саха Өрөспүүбүлүкэтин Ил Түмэн Судаарыстыбыннай мунньах бэрэссэдээтэлэ Алексей Ильич Еремеев, «Нам улууһа» муниципальнай оройуон баһылыга Юрий Иннокентьевич Слепцов, «Хатын-Арыы нэһилиэк» тыа сирин сэдиэнньэтин баһылыга Иван Дмитриевич Ноговицын, Саха Өрөспүүбүлүкэтин Бырабыытылыстыбатын чилиэннэрэ, норуот депутаттара, улуус общественноһа, Хатыҥ-Арыы нэһилиэгин олохтоохторо, ыччаттара, оҕололоро.

Өрөгөйдөөх үөрүү күнүгэр да, тыйыс санааны ылынар быһаарыылаах түгэҥҥэ да норуот туһугар бэриниилээхтик, хотуулаахтык, кэскиллээхтик үлэлээбит, охсуспут хорсун – хоодуот дьоммут сырдык ааттара ааттана сылдьыаҕа. Олор ортолоругар норуоттан үүнэн тахсыбыт, ыарахан сылларга норуот туһугар олоҕун анаабыт, норуотун чиэһин – суобаһын туруулаһан көмүскээбит, биир дойдулаахпыт, уһулуччулаах судаарыстыбыннай уонна политическай деятель Илья Егорович Винокуров аата мэлдьи биир бастакынан ааттана сылдьыаҕа