Муус устар 19 күнүгэр Иван Дмитриевич Ноговицын " Хатыҥ Арыы нэһилиэгэ" м/т Баһылыгын дуоһунаһыгар киирэр үөрүүлээх тэрээһинэ буолан ааста. Үрдүк дуоһунаска үктэнэр үөрүүлээх тэрээһинигэр, умнуллубат төрүт үгэһинэн, алгыс сиэрин туомун ылынна. Дуоһунаһыгар киирэр Баһылыкка - Иван Дмитриевичка, Хатыҥ Арыы нэһилиэк дьаралыга ойуулаах үрүҥ көмүс - " Хатыҥ Арыы нэһилиэгин Баһылыга " диэн Ытык Бэлиэни кэрэтик, өр сылларга нэһилиэкпитигэр Аҕа Баһылыгынан эҥкилэ суох бэриниилээхтик, таһаарыылаахтык үлэлээн салайан кэлбит " Нам улууһа" М/Т Баһылыга Юрий Иннокентьевич Слепцов. Норуот итэҕэлин ылбыт " Хатыҥ Арыы нэһилиэк " муниципальнай тэриллии Баһылыга Иван Дмитриевич Ноговицын - Саха Өрөспүүбүлүкэтин Нам улууһун дьаһалларыгар " Хатыҥ Арыы нэһилиэк " муниципальнай тэриллии Устаабыгар олоҕуран, бар дьонугар андаҕар тылларын анаата. Үөрүүлээх тэрээһиннэр кыттыыны ыллылар Илья Дорофеевич Винокуров - Чаҕылҕан хоһооннорунан " Эйиэхэ тэҥнээх дойду суох, мин төрөөбүт дойдум !" дьүһүйүүнү толордулар Илья Егорович Винокуров аат. Хатыҥ Арыы орто оскуолатын " Чаҕылыс" хоһоон бөлөҕө, сал. СР Үөрэҕириитин туйгуна - Анна Ефимовна Васильева. " Дуорай" эр дьон вокальнай ансаамбыла, сал. СР Культуратын туйгуна Саргылана Пономарёва.