Нам улууһугар Өрөспүүбүлэкэтээҕи 13 Олоҥхо ыһыаҕын көрсө, ыһыах Ытык бэлиэтин кулун тутар 13 күнүгэр Фрунзе нэһилиэгэ тутан, эстафета саҕаламмыта. Муус устар 22 күнүгэр Ытык бэлиэни Хатыҥ Арыы нэһилиэгэр туттара кэллэ " Хамаҕатта нэһилиэгэ " М/Т Баһылыга Максимов И.Н, Культура үлэһиттэрэ уонна ветераннар. Ытык бэлиэтин аҕалбыт ыалдьыттары сахалыы сиэринэн кыынньар кымыһынан, амтаннаах алаадьынан айах туттардылар. Үөрүүлээх түһүлгэ төрүттэммитинэн, эҕэрдэ тыл этэн, Ытык Бэлиэни туттарда " Хамаҕатта нэһилиэгэ " М/Т баһылыга Иван Николаевич Максимов , " Хатыҥ Арыы нэһилиэгэ" М/Т баһылыгар Ноговицын Иван Дмитриевичка. Бу Ытык Бэлиэ Хатыҥ Арыы нэһилиэгэр 7 күн устата нэһилиэкпит тэрилтэлэригэр күндү ыалдьыт буолуо. Олоҥхо ыһыаҕын көрсө араас тэрээһиннэр ыытыллыахтара.