Бүгүн, ол эбэтэр балаҕан ыйын 30 күнүгэр, Аҕам саастаахтар күннэринэн эҕэрдэлээн Нам улууһун культура идэлээх союһа (председатель Парникова А.А.) культура эйгэтигэр өр сылларга үлэлээбит ветераннарбытыгар СХПК “Эрэл” үрүҥ аһыттан бэлэх оҥортоото. Аппааны бөһүөлэгин “Чороон” норуот айымньытын киинин ветераннарыгар Кривошапкина Анна Михайловнаҕа, Матвеева Анна Тимофеевнаҕа, Слепцова Виктория Романовнаҕа уонна Васильев Моисей Павловичка Хатыҥ-Арыы нэһилиэгин культураҕа профсоюһун председателя Адамова Н.И. эҕэрдэлээн бэлэхтэри туттартаата.